9月份開學月，我呢位超齡學生再次踏上學習瑞典文呢條艱辛嘅路。新學期升班，第一堂新同學都係互相認識認識。班上超過一半都係來自德國嘅同學，個個只係嚟咗兩、三星期，已經能夠用全瑞典語對答自如。相對起我呢位瑞典舊人，面對100%瑞語語境課堂仍然係一舊雲☁️，上堂全程都係咁嘅樣 --> 😧
雖則話學無前後，達者為先，比較嚟冇意思。但都免不了受到相當打擊⋯ 德語與瑞典語相似，人哋學得快亦無可厚非，唯有自己返屋企好好努力啦。
做功課時，阿伯喺側邊做監督：「你啲瑞典文真係進步咗好多噃～我相信你會比我學得更加快～」
當我心裡浮現半絲努力受到肯定嘅欣慰之際，阿伯繼道：「你學嘢都唔會顧慮當中嘅邏輯，而我就要理解曬成個系統先學到，所以你一定學得快啲喇」本來掀起嘅半個咀角就冇力繼續上揚了⋯
喂喂，先生，你到底是在讚自己還是想貶我？該是愛你還是恨你⋯⋯
Search